Mbrëmë rreth orës 20:00 në hyrje të rrugës së fshatit Kakarriq, në Lezhë, vetëm pak metra nga superstrada Lezhë-Shkodër është djegur një makinë.
Mësohet se bëhet fjalë për një automjeti tip ‘Mercedez’ me targa AA377 KH që rezulton në pronësi të shtetasit Nikolin Kola banues në Balldre të Lezhës, i cili është djegur plotësisht.
Nikolin Kola është anëtar i Bordit të Kullimit në Qarkun e Lezhës
Automjeti i është marrë me forcë pronarit të saj, ndërsa po lëvizte në drejtim të shtëpisë së tij në fshatin Balldre nga dy persona ende të paidentifikuar, të cilët e kanë qëlluar me sende të forta shtetasin N.K.
Autorët kanë hipur në makinë dhe i kanë vënë flakën vetëm 2 km më larg dhe më pas janë larguar.
Drejtuesi i mjetit është dërguar në spital ku ka marrë ndihmën e parë dhe është jashtë rrezikut për jetën. Gjatë marrjes në pyetje shtetasi N.K ka deklaruar se nuk i ka njohur autorët dhe nuk ka asnjë dyshim mbi motivet e djegies së makinës së tij.
Policia e cila ka mbërritur menjëherë në vendngjarje po vijon ende hetimet, por nuk ka bërë të ditur shkaqet apo autorët e kësaj ngjarjeje.
