Banesa e gazetarit Elidon Ndreka është sulmuar pas mesnatës së djeshme me tritol.
Bëhet me dije se shpërthimi ka ndodhur rreth orës 01:00 pas mesnate, kur një sasi shpërthyese tritol, ka plasur në hyrjen e banesës së gazetarit.
Fatmirësisht raportohet se prej shpërthimit nuk ka patur njerëz të lënduar, por janë shkaktuar vetëm dëme materiale.
Vetë gazetari ka bërë me dije se nuk ka konflikte me asnjë, dhe shkak mund të jetë bërë vetëm puna e tij si reporter.
Ndreka është shprehur se nuk di se kujt t’i ‘drejtojë gishtin’ pasi nuk ka asnjë dyshim. Megjithatë ai ka shtruar se shpreson në zbardhjen e plotë të ngjarjes.
Sipas grupit hetimor, ngjarja mund të zbardhet shpejt pasi një kamera sigurie ka arritur që të filmojë një person, i cili ka zbritur nga një makinë dhe ka vendosur lëndën plasëse në derë dhe më pas është larguar.
Pas marrjes së njoftimit, policia ka shkuar menjëherë në vendngjarje dhe ka nisur hetimet për zbardhjen edngjarjes.
Mësohet se Deri më tani pista kryesore është ajo e sulmit për shkak të profesionit, mirëpo nuk përjashtohen edhe konfliktet personale./GazetaReforma.com/
