Nuk kanë fund të papriturat me listën e zgjedhjeve në Partinë Demokratike. Një ndryshim i minutave të fundit ka ndodhur në qarkun e Elbasanit, pasi në garë është rikthyer edhe Luçiano Boçi. Mësohet se ai do të kandidojë i nënti në këtë qark.
Ish-deputeti nuk figuronte në listat paraprake të Partisë Demokratike, ndërsa mësohet se ai nuk ka qenë dakord me një vendim të tillë. Po ashtu në listat e PD u vu re mungesa edhe e emrave të tjerë të njohur mes të cilëve Klevis Balliu, Halim Kosova etj.
Emrat që nuk janë pjesë e listave.
Genc Pollo
Hekuran Hoxhalli
Klevis Balliu
Andon Frrokaj
Romeo Gurakuqi
Lorenc Luka
Halim Kosova
Xhemal Gjunkshi
Florion Mima
Endri Hasa
Po ashtu për demokratët do të kandidojnë figura të njohura si prezantuesja Ori Nebiaj, futbollisti Gentian Muçaj, shkrimtarja Flutura Açka apo analisti Mark Marku. Vetë Lulzim basha do të kandidojë i pari në listën e Tiranës, ndërsa pas tij vjen Jorida Tabaku. Po ashtu i gjashti në listën e Tiranës renditet ish-kryeministri Sali Berisha. Partia Demokratike dorëzoi mbrëmjen e djeshme pak para përfundimit të afatit listat me kandidatët për zgjedhjet e 25 prillit, në Komisionin Qendror të Zgjedhjeve. Më vonë kreu i PD, Basha kërkoi edhe një afat për korrigjim pasi kishte pasur gabime.
