Gjykata në qytetin e Syktyvkar në Rusi ka lëshuar urdhër-arrest për kampionin botëror të shahut dhe bashkëthemeluesin e Forumit Rusia e Lirë (FRF), Garry Kasparov, dhe disa aktivistë të tjerë. Ata akuzohen për formimin e një “komuniteti terrorist”, financimin e “veprimtarive terroriste” dhe “nxitjen e terrorizmit në mënyrë publike”. Lajmi është raportuar nga mediat ruse dhe ukrainase. Ndër të arrestuarit janë gjithashtu aktivistja Yevgeniya Chirikova, ish-drejtori ekzekutiv i Lëvizjes Ruse të Solidaritetit, Ivan Tyutrin dhe ish-deputeti Genadi Gudkov. Një çështje penale është hapur në Republikën e Komit nga Shërbimi Federal i Sigurisë Ruse (FSB).
Garry Kasparov u largua nga Rusia në vitin 2013 dhe tani jeton në Nju Jork. Ai dhe Ivan Tyutrin themeluan FRF në vitin 2016, duke e paraqitur si një alternativë intelektuale ndaj qeverisjes aktuale politike në Rusi. Së fundmi, në fillim të këtij viti, autoritetet ruse e vendosën Kasparovin në listën e “terroristëve dhe ekstremistëve”.
