Pak ditë më parë, Cristiano Ronaldo arriti një rekord shumë domethënës, duke shënuar golin e tij të 900-të në karrierë, duke ndihmuar Portugalinë në ndeshjet e Nations League. Por tashmë, ylli portugez vendos një tjetër rekord, këtë herë jashtë fushës së blertë. Ronaldo bëhet personi i parë në histori që arrin 1 miliard ndjekës në të gjitha platformat e mediave sociale. Ronaldo numëron 638 milionë ndjekës në Instagram, 60.6 milionë abonentë në YouTube, 113 milionë ndjekës në X, 170 milionë ndjekës në Facebook, 9.4 milionë në Kuaishou dhe 7.5 milionë në Weibo, me këto dy të fundit që janë platforma kineze.
Për këtë arritje të tij i falënderoi të gjithë adhuruesit e tij me anë të një postimi në platformën X.
“Kemi bërë historinë, 1 miliard ndjekës! Ky është më shumë se një numër – është një testament i pasionit, dëshirës dhe dashurisë sonë të përbashkët për lojën dhe përtej saj.Nga rrugët e Madeira-s deri te arenat më të mëdha në botë, unë kam luajtur gjithmonë për familjen time dhe për ju, dhe tani 1 miliard prej nesh qëndrojmë së bashku. Faleminderit që besuat tek unë, për mbështetjen tuaj dhe që jeni pjesë e jetës sime. Më e mira nuk ka ardhur ende, dhe ne do të vazhdojmë të fitojmë dhe të bëjmë histori së bashku”-shkruan ylli portugez.
Po me Messin çfarë po ndodh?
Por ndërkohë që nga njëra anë Cristiano Ronaldo vijon të thyejë rekorde, edhe jashtë fushe, nuk mund të thuhet të thuhet e njëjta gjë për rivalin e tij kryesor, Lionel Messi. Të paktën sa i përket arritjeve jashtë fushe, e sidomos në rrjetet sociale, argjentinasi duket se mbetet shumë mbrapa portugezit. Vetëm në Instagram, Messi numëron 504 milionë ndjekës, ose 134 mln më pak se portugezi. Argjentinasi prej kohësh nuk po luan, duke vuajtur një dëmtim, ndërkohë që tashmë pritet pse jo lëvizja e tij e radhës, për të rivalizuar edhe një herë me Ronaldon. Gjithsesi një gjë është e sigurt, dueli Messi-Ronaldo nuk përfundon asnjëherë
