Policia e Durrësit ka vënë në pranga shtatë persona dhe ka proceduar penalisht një tjetër për vepra të ndryshme penale. Janë arrestuar në flagrancë për veprën penale “Prodhim dhe shitja e narkotikëve”, kryer në bashkëpunim, shtetasit francez, C.B., 19 vjeçe dhe K. C., 30 vjeç. Gjatë kontrolleve në mjetin e tyre në Port Durrës, iu gjetën një sasi lëndë narkotike.
Po ashtu është arrestuar shtetasi palestinez S. B., 20 vjeç. Ai dyshohet si autor i një sërë vjedhjesh në qytetin e Durrësit.
Në pranga kanë rënë edhe disa shtetas të tjerë, ndër ta Sh. F., 24 vjeç, banues në Durrës, pasi gjatë kontrollit nga shërbimet e Policisë iu gjet një sasi lëndë narkotike e dyshuar cannabis sativa.
Njoftimi i policisë:
Vihen në prangat e Policisë 7 shtetas dhe procedohet penalisht 1 tjetër shtetas, për vepra të ndryshme penale.
Shërbimet e Policisë Kufitare në PKK, Port Durrës, si rezultat i kontrolleve të shtuara si në dalje ashtu dhe në hyrje në Portin e Durrësit, kanë goditur një rast të prodhimit dhe shitjes së lëndëve narkotike.
Në vijim të veprimeve nga specialistët për Hetimin e Narkotikëve në DVP Durrës, u arrestuan në flagrancë për veprën penale “Prodhim dhe shitja e narkotikëve”, kryer në bashkëpunim, shtetasit francez, C.B., 19 vjeçe dhe K. C., 30 vjeç, pasi gjatë kontrollit në mjetin tip “Peugeot”, në PKK, Port Durrës, iu gjetën dhe iu sekuestruan në cilësinë e provës materiale një sasi lëndë narkotike cannabis sativa, një sasi lëndë narkotike cannabis sativa në formë çokollate dhe një sasi lëndë narkotike e dyshuar kokainë.
—-
Shërbimet e Komisariatit të Policisë Durrës, në vijim të punës për parandalimin e vjedhjeve dhe zbardhjen e atyre të ndodhura më parë, arrestuan në flagrancë shtetasin palestinez, S. B., 20 vjeç.
Ky shtetas, dyshohet se është autor i 5 vjedhjeve të ndodhura në Durrës, konkretisht dyshohet se ka vjedhur 4 aparate celularë të markave të ndryshme të shtetasve A. K., B. A., A. G., A. R., dhe portofolin e shtetases E. K.
Në vijim të veprimeve rezultoi se ky shtetas është edhe autor i dyshuar i 12 vjedhjeve të ndodhura gjatë muajve korrik-gusht, ku ju ka marë shtetasve të ndryshëm telefona celularë, marsup ose portofola.
Në cilësinë e provës materiale u sekuestruan aparatet celularë.
—-
Nga specialistët për Hetimin e Narkotikëve në DVP Durrës, u arrestua në flagrancë shtetasi Sh. F., 24 vjeç, banues në Durrës, pasi gjatë kontrollit nga shërbimet e Policisë iu gjet një sasi lëndë narkotike e dyshuar cannabis sativa.
—–
Nga specialistët për Hetimin e Krimeve në Komisariatin e Policisë Durrës, u arrestua në flagrancë shtetasi R. B., 53 vjeç, banues në Durrës pasi ka ushtruar dhunë fizike dhe psikologjike ndaj ndaj ish-bashkëshortes së tij.
Po nga këto struktura u procedua penalisht shtetasi R. S., 44 vjeç, banues në Durrës, pasi nga pakujdesia i ka djegur një sipërfaqe toke 40 m², me barishte.
—–
Specialistët e Qarkullimit Rrugor në DVP Durrës, arrestuan në flagrancë shtetasit:
- Z., 43 vjeç dhe H. B., 24 vjeç, të 2 banues në Durrës, pasi u konstatuan duke drejtuar motomjetet përkatëse pa leje drejtimi.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Durrës/Informacion paraprak
Më datë 07.09.2021, në orën 13:10, në lagjen nr.12, Durrës, mjeti me drejtues shtetasin F. K., është përplasur me një motomjet me drejtues shtetasin L. A., 34 vjeç, i cili ndodhet nën kujdesin e mjekëve.
Shërbimet e Policisë kanë shoqëruar drejtuesin e mjetit shtetasin F. K., në ambientet e Policisë, për veprime të mëtejshme.
Grupi hetimor po punon për zbardhjen e rrethanave të ngjarjes.
