Bosnjë & Hercegovinë tronditet sërish!
Një tjetër tërmet është regjistruar mbrëmjen e sotme në Bosnjë & Hercegovinë me epiqendër afër Stolacit. Agjencia Evropiane e Sizmologjisë raportoi për një tërmet me magnitudë 3.3 ballë të shkallës Rihter, i cili ndodhi në orën 20 e 2 minuta dhe u ndje pothuajse në të gjithë Bosnjen.
Kujtojmë që që tërmet i fuqishëm që goditi mbrëmë zonën e gjerë të Hercegovinës ka vrarë një person. U vra Elmira Sefo nga Stolaci.
Tërmeti, i cili në radhë të parë tronditi Hercegovinën dhe u ndje në të gjithë Bosnjën dhe Dalmacinë, ishte 5.6 ballë të shkallës Rihter. Më e keqja ka qenë në Stolac, ku një gur ka rënë mbi një shtëpi dhe ka plagosur rëndë Elmira Sefo (27), e cila ka ndërruar jetë nga plagët e marra.
Sipas dëshmive të banorëve të zonës, Elmira jetonte me prindërit e saj në shtëpinë e familjes në vendbanimin Kukavac, të cilët mbetën të plagosur lehtë.
Ambulanca e transportoi Elmirin në spitalin e Mostarit, ku mjekët tentuan ta ringjallën, por pa sukses. Lëndimet që ajo mori ishin fatale.
Një tërmet me magnitudë 5.6 ballë të shkallës Rihter është regjistruar mbrëmë me epiqendër në Stolac, është konfirmuar zyrtarisht nga Instituti Federal Hidrometeorologjik. Një banor i qytetit në Hercegovinë, i tronditur dukshëm ka folur pas disa tërmeteve që goditën vendin tonë, por më i keqi ishte në Stolac, ku u regjistrua një viktimë.
Sipas Institutit të Gjeoshkencave epiqendra e tërmetit ka qenë në Bosnje Hercegovinë me magnitudë 5.7 ballë. Lëkundjet e tërmetit për shkak se ishin të forta janë ndjerë në disa shtete: Kosovë, Mal të Zi, Maqedoni e Veriut, Serbi, Itali, Slloveni dhe Kroaci.
