Një tërmet i fuqishëm është ndjerë pasditen e sotme në vend. Lëkundjet me magnitudë 4 të shkallës Rihter e kanë pasur epiqendrën në Bulqizë dhe thellësia ka qenë 2 km. Lëkundjet janë ndjerë edhe në kryeqytet e në qytete të tjera të vendit. Nuk dihet ende nëse tërmeti ka shkaktuar dëme.
Gjatë muajit nëntor janë regjistruar edhe tërmete të tjera në vend. Pak ditë më parë lëkundje tërmeti u ndjenë në Tiranë me magnitudë 3.0 të shkallës rihter. Epiqendra ishte në fshatin Durisht, pranë Petrelës.
Kujtojmë se edhe më parë Dibra ka qenë ndër zonat që u trondit nga tërmetet, ku si pasojë e lëkundjeve u dëmtua edhe njësia administrative e fshatit Orosh.
Kujtojmë që tërmeti 26 nëntorit në Shqipëri shkaktoi 51 viktima dhe u plagosën më shumë se një mijë të tjerë. Lëkundjet ishin me magnitudë 6.4 i shkallës Rihter në Durrës, Thumanë dhe Lezhë.
Dy zonat që u prekën më shumë ishin Durrësi e Thumana, ku pati edhe më shumë viktima e ndërtesa të shkatërruara. Lëkundjet u ndjenë po ashtu në qytete të tjera të vendit e në kryeqytet. Ndër të tjera, tërmeti la të pastrehë shumë njerëz, të cilët ende janë pa një shtëpi, ndërsa procesi i rindërtimit vazhdon ende pas dy vitesh
