Një tërmet me magnitudë 4.0 ka lëkundur pak më parë jugun e vendit.
Mësohet se lëkundjet janë ndjerë në Berat, Fier, Vlorë, Himarë, Gjirokastër dhe disa qytete të tjera. Qendra Europiane për tërmetet (EMSC), fillimisht ka raportuar për tërmet në detin Adriatik, por pas përditësimeve, pak minuta më parë, ka bërë me dije se epiqendra ka qenë Vlora.
Banorët e këtyre zonave shkruajnë se tërmeti ka qenë i fortë dhe ka zgjatur shumë. Sipas IGJEUM n Shqipëri, tërmeti ka qenë me magnitudë 4.2 dhe me epiqendër Borshin, Himarë.
“U ndje fort në Himarë, kati 5”
“Shume i forte, Gjirkoastër”
“U ndjen ne Berat , kati 5. Zgjati goxha!”
“U ndje ne Vlore pak”
Instituti sizmiologjik, ka deklaruar se këto lëkundje janë të zakonshme, pasi jemi në sezon tërmetesh. Përpos kësaj, paslëkundjet nga tërmeti i fuqishëm prej 6.4 ballë më 26 nëntor 2019, do të vazhdojnë në një interval të gjatë.
Kujtojmë se pas tërmetit të fuqishëm 6.4 ballë në Durrës, që shkaktoi 51 viktima dhe shumë dëme materiale, si dhe la pas mijëra familje pa strehë, vendi në zona të ndryshme është përfshirë në mijëra paslëkundje të tjera.
Deri më tani ku bëhet mbi një vit nga tërmeti fatal, qytetarët janë ende në panik dhe frikë, kur ndjejnë paslëkundjet e vogla, pasi në memorien e tyre kanë traumën e orëve të para të mëngjesit të 26 nëntorit./Gazetareforma.com/
