Ditën e sotme është shkarkuar nga detyra drejtuesi i Prokurorisë së Vlorës, Ardian Ylli. Ky vendim u dha pak minuta më parë në Komisionin e Pavarur të Kualifikimit. Të gjitha problemet për Yllin ishin në lidhje me pasurinë.
Seaca dëgjimore u zhvillua nga KPK në datën 15 korrik, por ditën e sotme u dha vendimi për të mos e konfirmuar më në detyrë.
Sipas një bilanci negativ të nxjerrë nga KPK-ja, prokurori e argumentoi se disa vite më parë shpenzimet ishin më të ulta.
Ndër këto elementë ai përmendi kursimet e babait në një vlerë prej 2.2 milionë dhe po ashtu tha se kishte pasur një shumë prej rreth 750 mijë lekësh prej parave të hedhura nga të afërmit dhe miqtë pas vdekjes së babait.
Ylli tha se nuk kishte dashur t’i përmendë këto para dhe nuk i kishte deklaruar ato më vetë, por si pjesë e kursimeve cash.
KPK nuk i pranoi argumentimet e Yllit as për shpenzimet e udhëtimeve me familjen e tij i cili ishte larguar 72 herë jashtë Shqipërisë, dhe as për çmimet e biletave ku Ylli argumentoi se i kishte prenotuar shumë më herët.
