Administratori i njësisë Golaj në Kukës i identifikuar me iniciale U.D 40 vjeç dhe një inspektor i Mbrojtjes së Territorit i identifikuar si B.U 32 vjeç janë arrestuar për shpërdorim detyre.
Dyshohet se të arrestuarit, duke shpërdoruar detyrën kanë lejuar ndërtime të paligjshme në territoret e njësisë administrative Golaj dhe bashkisë Has.
Ndërsa ka nisur hetimi për inspektorin K.L 38 vjeç për shpërdorim detyre si dhe për 3 qytetarë të cilët kishin ndërtuar pa leje në këto zona. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Kukës.
