Situata e Covid-19 në vend prej kohësh duket me bilanc pozitiv, duke pasur një rënie të konsiderueshme të humbjeve të jetës si dhe gjithashtu një trend në rënie të infektimeve të reja.
Komiteti Teknik i Ekspertëve me datë 2 mars bëri një rishikim të masave anti-Covid, ku disa prej tyre i hoqi siç ishte ora policore dhe disa të tjera i reduktoi.
Në këtë linjë të lehtësimit të masave ant-covid, po ecin edhe drejtoritë e burgjeve në vend, ku mësohet se çdo i dënuar do të zhvillojë katër takime në muaj.
Gjithashtu takimet do të jenë jo vetëm për familjarët, por edhe më gjerë. Sipas masave të reja të burgosurit meshkuj kanë të drejtën e vizitës dy herë në muaj, duke garantuar higjienën e nevojshme, kontrollin shëndetësor gjatë hyrje-daljeve, disponimin nga familjarë të certifikatës së vaksinimit ose të raportit mjekësor që vërteton shërimin.
Gjithashtu për të burgosurit që janë prindër dhe kanë fëmije të mitur të aplikohet program i prindërimit. Për të burgosurit gra dhe të mitur të lejohen 4 takime në muaj.
Për të dënuarit e martuar apo që bashkëjetojnë sipas Kodit të familjes, të lejohen një takim i zgjatur në muaj.
Kujtojmë se më herët, Drejtoria e Përgjithshme e Burgjeve i kishte propozuar Ministrit të Drejtësisë, Ulsi Manja lehtësimin e kufizimeve për parandalimin e përhapjes së pandemisë.
