Sali Berisha në daljet e tij më mediat sot, nuk ka kursyer SPAK-un duke e akuzuar se po i privojnë lirinë e tij, gjithashtu duke theksuar për të disatën herë që Rama ka gisht në këtë çështje.
Sulmi shkoi më shumë ndaj dy prokurorëve të SPAK, Arben Kraja dhe Enkelda Millonai, që marrin pjesë në seancën e sotme në mbledhjen e Këshillit të Mandateve, ku po diskutohet për imunitetin e deputetit Berisha.
“Tani dy laro mercenarë të Edi Ramës, apo tre, kanë ardhur pasi kanë vendosur në kundërshtim me kushtetutën, privimin e lirisë ndaj meje, dhe jo që nuk tërhiqen, por si eprorë të Parlamentit për shkak të porosisë së Ramës, kërkojnë masa më të ashpra ndaj meje.
Ju garantoj se do të bëj përgjegjës për çdo shkelje të ligjit dhe kushtetutës, dhe se do të trajtoj njësoj si falanga krimi, kryehajdutin e Shqipërisë, Edi Rama. Me Ramën kemi hesape për të larë!”, tha Berisha.
