Këtë të mërkurë, zëvendësministrja e Financave, Vasilika Vjero, u largua nga detyra me një vendim të marrë në mbledhjen e Këshillit të Ministrave.
Vjero e ka ushtruar këtë funksion që prej shkurtit të vitit 2020, ndërsa përpara se të emërohej në këtë post, ka mbajtur pozita të rëndësishme drejtuese.
Ajo ka qenë Drejtore e Përgjithshme e Tatimeve, Drejtore e Përgjithshme e Qendrës Kombëtare të Biznesit dhe Drejtore e Përgjithshme e Autoritetit Rrugor Shqiptar.
Përveç kësaj, Vjero ka shërbyer si eksperte e pavarur për çështje fiskale dhe buxhetore në nivel lokal, duke kontribuar në 24 bashki dhe komuna të Shqipërisë.
Ajo është diplomuar në Fakultetin e Ekonomisë të Universitetit të Tiranës në vitin 1998, në degën Administrim Biznesi.
