Nafta në Shqipëri arriti një shifër të çmendur çmimi, teksa një litër kapi vlerën e 300 lekëve. Duhej revolta e qytetarëve që kjo “lajthitje” e çmimit të ulej sadopak, ndërkohë që Autoriteti Kombëtar i Konkurrencës ashtu sikurse edhe herë të tjera ka qëndruar indiferent, duke mos i dhënë një zgjidhje situatës.
Gazetari Bledi Mane ka reaguar në lidhje me situatën duke evidentuar mosfunksionimin siç duhet të Autoritetit të Konkurrrencës, institucion që drejtohet nga Denar Biba. Mane shprehet se ky institucion duhet të funksionojë si rregullator në këto ditë, të cilat zgjodhi t’i cilësojë si “qameti”.
Por funksioni rregullator nuk realizohet pasi drejtuesi, Denar Biba është bërë bërë njësh me oligarkët dhe e vetmja zgjidhje për të është heshtja.
Ndërkohë që sipas gazetarit ky institcion duhet të ishte duke kontrolluar blic sasinë në depozitat e karburanteve në Porto Romano e në magazinat e grosistëve të miellit e të vajit në Shkodër, Vlorë, Durrës, Tiranë. Duke kontrolluar çmimet në pikat ku shitet nafta e benzina me pakicë, në furrat e bukës, në supermarkete…
Postimi i plotë i gazetarit Bledi Mane:
Pacipësi në ditë qameti/ DENARI SI DOLLARI
Ky është Denar Biba, kryetari i Autoritetit Kombëtar të Konkurencës. Ky institucion që kontrollohet nga parlamenti është krijuar të funksionojë si rregullator në ditët e qametit si këto tani. Denari bashkë me stafin dhe strukturat e tij duhet të ishte çdo mëngjes pa njoftuar askënd duke kontrolluar blic sasinë në depozitat e karburanteve në Porto Romano e në magazinat e grosistëve të miellit e të vajit në Shkodër, Vlorë, Durrës, Tiranë. Duke kontrolluar çmimet në pikat ku shitet nafta e benzina me pakicë, në furrat e bukës, në supermarkete…
Por Denari dhe institucioni i tij nuk duket asgjëkundi se i kanë mbuluar grosistët dhe oligarkët me paratë e çmimeve artificialisht të rritura dhe ndaj heshtin. Heshtin ndërkohë që ne nuk kemi parë gjë akoma…
Për më tepër lajme klikoni ëëë.skaproblem.al portali më i ri në qytet!
