Për të gjithë shqiptarët në Kanada, tashmë vjen një lajm i mirë.
Bëhet e ditur nga Ministria e Punëve të Jashtme se që prej ditës së sotme ka nisur pajisja me pasaportë dhe karta identiteti, për të gjithë qytetarët shqiptarë që janë rezidentë në Kanada.
Sipas Ministrisë së Punëve të Jashtme, qytetarët që jetojnë në Kanada, nuk do kenë nevojë që të udhëtojnë drejt vendeve të tjera për të marrë këto shërbime, falë punës së Shërbimit Konsullor shqiptarë.
Praktikisht, qytetarët shqiptarë që jetojnë në Kanada mund të aplikojnë për pasaportë apo dokument biometrik nga zona ku banojnë, pa pasur nevojë të vijnë në Shqipëri.
Ministria e Punëve të Jashtme synon që me anë të projekteve të tilla të lehtësojë edhe më shumë jetesën e qytetarëve shqiptarë, kudo që ata ndodhen jashtë vendit.
Postimi i Ministrisë së Punëve të Jashtme
Nisi shërbimi për pajisje me pasaportë dhe kartë identiteti 🪪 për qytetarët shqiptarë 🇦🇱 rezidentë në Kanada.
Tashmë qytetarët që jetojnë në Kanada, nuk do kenë nevojë që të udhëtojnë drejt vendeve të tjera për të marrë këto shërbime, falë punës së Shërbimit Konsullor shqiptar.
I ftojmë të gjithë qytetarët të aplikojnë në portalin E-Albania, duke ndjekur gjithë udhëzimet e nevojshme.
Më thjeshtë, më shpejt, më afër jush!
