Është ndarë nga jeta në moshën 84-vjeçare arkitekti dhe piktori i njohur Maks Velo.
News 24 bën me dije se ishte i shtruar prej disa ditësh në QSUT, pasi vuante nga anemia e theksuar.
Velo jetonte vetëm me motrën, për të cilën kujdesej, pasi ishte në pamundësi fizike.
Arkitekti i njohur ka qenë shumë pranë publikut deri para pak muajve, pasi daljet e tij në media kanë qenë të shpeshta.
Shpesh herë ai është përfshirë në debate për të ardhmen e artitekturës dhe urbanizimit të qytetit dhe ka shprehur kundërshtitë me vendimet që janë marrë nga autoriteteve.
Kush është Maks Velo?
Maks Velo ka lindur më 31 gusht të vitit 1935 në Paris dhe pas lindjes së tij, familja Velo u kthye përsëri në Shqipëri, në qytetin e Korçës, ku Maksi ka kaluar edhe fëmijërinë.
Pasi mbaron gjimnazin, ai vazhdoi studimet pranë Institutit Politeknik, në degën e Inxhinierisë së Ndërtimit dhe më pas u specializua për arkitekturë dhe në vitin 1960 ka marrë pjesë në projektimin e parë që u bë në Tiranë.
Ka punuar më tej pranë byrosë së projektimit të Tiranës.
Vitet ’78-’79 përkojnë edhe me periudhën më të vështirë të jetës së tij, pasi gjatë kësaj kohe, ai u arrestua dhe dënua me dhjetë vjet burg.
Po ashtu, Maks Velo është autor i një sërë botimesh si: “Kokëqethja”, “Palltoja e burgut”, “Thesi i burgut”, “Paralele për arkitekturën”, “Kohë antishenjë”, “Jeta ime në figura ” etj.
