15 raste të reja me koronavirus janë shënuar gjatë 24 orëve të fundit në vendin tonë.
Ministria e Shëndetësisë dhe Mbrojtjes Sociale ka bërë me dije në vijim të komunikimit të përditshëm, se në 24 orët e fundit janë testuar 111 persona të dyshuar, prej të cilëve janë konfirmuar 15 raste të reja.
Deri në këto momente, në total janë testuar 1,436 raste të dyshuara dhe prej tyre janë të konfirmuar pozitivë me COVID-19, 212 raste, teksa gjatë 24 orëve të fundit nuk është shënuar asnjë viktimë.
Në Spitalin Infektiv aktualisht janë 76 të shtruar, 6 prej të cilëve janë në terapi intensive, nga të cilët 4 janë të intubuar, ndërsa pjesa tjetër e të shtruarve në pavion janë në gjendje të stabilizuar deri në këto momente.
Sakaq, deri tani janë 40 të shëruar, të cilët pas testeve të kontrollit të kryera kanë rezultuar negativ.
Harta e të prekurve nga COVID-19 është shtrirë tashmë edhe në Mirditë dhe zgjerohet në Tiranë, Fier dhe Durrës.
Shpërndarja gjeografike e rasteve pozitive, është si vijon:
– Tiranë 121 raste
– Durrës 12 raste
– Lushnje 4 raste
– Elbasan 5 raste
– Fier 22 raste
– Kavajë 4 raste
– Rrogozhinë 2 raste
– Korçë 12 raste
– Vlorë 5 raste
– Shkodër 5 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 3 raste
– Pukë 3 raste
– Mirditë 1 rast
Ministria e Shëndetësisë dhe Mbrojtjes Sociale u bën thirrje qytetarëve që për ankesat që kanë të telefonojnë në numrin e telefonit 127 dhe numrin 0800 40 40 për informacion apo për lidhjen me mjekun e familjes ose për mënyrën se si do të merren medikamentet e rimbursueshme.
