Një pacient ka ndërruar jetë ditën e sotme në Spitalin Infektiv, pasi ishte i infektuar me Covid-19.
Mësohet se pacienti 66-vjeçar vuante nga diabeti dhe hipertensioni, duke sjellë komplikime të mëtejshme në gjendjen e tij shëndetësore.
Pak më parë, Ministria e Shëndetësisë bëri me dije se 66-vjeçari ka ndërruar jetë.
Që nga fillimi i epidemisë, 49 qytetarë e kanë humbur betejën me COVID19, ndërsa vijon të ketë raste të rënda që po trajtohen në shërbimin infektiv.
