Vitet e fundit vendet aziatike janë kthyer në destinacionin e preferuar të shqiptarëve.
Së fundmi, një lajm i mirë ka ardhur për të apasionuarit pas udhëtimeve, dhe jo vetëm.
Në mbledhjen e sotme Këshilli i Ministrave ka miratuar heqjen reciproke të vizave me Arabinë Saudite.
Në faqen zyrtare të Këshillit është miratuar memorandumi i bashkëpunimit ndërmjet Këshillit të Ministrave të Shqipërisë dhe qeverisë së Mbretërisë së Arabisë Saudite, për heqjen reciproke të vizave për qëndrim afatshkurtër për mbajtësit e pasaportave diplomatike të shërbimit dhe private për shtetasit e të dyja vendeve, sipas tekstit që i bashkëlidhet këtij vendimi.
Sipas këtij vendimi shtetasti shqiptarë kanë të drejtën të hyjnë në Arabinë Saudite vetëm më pasaportë pa vizë dhe anasjelltas.
Pas botimit në ‘Fletoren Zyrtare’ vendimi hyn menjëherë në fuqi.
VENDIMI I PLOTË:
Vendim për miratimin e memorandumit të mirëkuptimit, ndërmjet Këshillit të Ministrave të Republikës së Shqipërisë dhe qeverisë së Mbretërisë së Arabisë Saudite, për heqjen reciproke të vizave për qëndrim afatshkurtër për mbajtësit e pasaportave diplomatike të shërbimit dhe private për shtetasit e të dyja vendeve
Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e Kryeministrit dhe ministër për Evropën dhe Punët e Jashtme, Këshilli i Ministrave
V E N D O S I:
Miratimin e memorandumit të bashkëpunimit, ndërmjet Këshillit të Ministrave të Republikës së Shqipërisë dhe qeverisë së Mbretërisë së Arabisë Saudite, për heqjen reciproke të vizave për qëndrim afatshkurtër për mbajtësit e pasaportave diplomatike të shërbimit dhe private për shtetasit e të dyja vendeve, sipas tekstit që i bashkëlidhet këtij vendimi.
Ky vendim hyn në fuqi pas botimit në “Fletoren zyrtare”.
