Ndeshjeve të Kombëtares u ka munguar mbrojtësi ynë, Marash Kumbulla, i cili për trajnierin Sylvihno ka qenë një mungesë mjaft e madhe në ekip.
Kujtojmë se futbollisti është i dëmtuar, pasi ka pësuar një këputje të ligamentit të gjurit, një dëmtim shumë i rëndë ky. Mirëpo, së fundmi në një video të publikuar, duket se Kumbulla është rikthyer sërisht në stërvitje me skuadrën e Romës.
Mediat italiane shkruajnë se Kumbulla do të rikthehet në mesin e muajit janar, ç’ka do të thotë se ai mund të rikthehet edhe tek Kombëtarja.
Sylvinho shpreson që të ketë qendërmbrojtësin kuqezi në kushtet perfekte gjatë aventurës në “EURO 2024”.
