Kryeministri Edi Rama ka dhënë lajmin për mbërritjen e 11 dozave të vaksinës Pfizer gjatë kësaj jave në Shqipëri. Ai e ka bërë të ditur lajmin me anë të një postimi në Facebook ku shkruan se do të vijohet papushim drejt objektivit të 1 milionë vaksinave të kryera. Ndërkohë, Rama shkruan se numri total i vaksinave të ardhura në Shqipëri është mbi 736 mijë.
“Janë mbi 736 mijë doza vaksine tashmë të mbërritura në vend. Ndërkohë që presim përgjatë kësaj jave 11,700 doza vaksine, të cilat vijnë nga kontrata që ne kemi me Pfizer si dhe një pjesë e tyre, nga kontrata që kemi lidhur me Bashkimin Europian, si pjesë e instrumentit që Bashkimi Europian ka ndërtuar për mbështetjen për vendet e Ballkanit”, dëgjohet Manastirliu të thotë në videon e publikuar nga Rama.
Postimi i plotë i Ramës:
Sheshi Skënderbej – Vijojmë papushim tanimë drejt objektivit 1 milion vaksina të kryera
Këtë javë do të mbërrijnë mbi 11 mijë vaksina Pfizer, teksa numri total i vaksinave të ardhura në Shqipëri është mbi 736 mijë
SkaKohëPërPushim
ShqipëriaBuzëqesh
Shqipëria ka arritur shifrën e 500 mijë vaksinimeve të kryera deri tani, objektiv që ishte planifikuar të përmbushej brenda muajit maj. Pak ditë më herët në Shqipëri mbërritën 25 mijë doza të vaksinës ruse anti Covid, Sputnik V.
