Gjykata Kundër Korrupsionit dhe Krimit të Organizuar ka dhënë pasditen e sotme vendimet për pjesëtarët e grupit Avdylaj të Shijakut. Dënimet janë dhënë lidhur me laboratorin e drogës që u zbulua në Branogë të Hasit dhe mësohet se ai që cilësohet si koka e grupit, AltinAvdylaj është dënuar me vetëm 6.8 vite burg.
Dy vite më parë në fshatin Branogë të Hasit u zbulua laboratori i drogës që mendohet se prodhonte të paktën 150 kg heroinë. Objekti u identifikua fillimisht nga policia e Hasit. Laboratori ishte ngritur Brenda dy kapanoneve në një sallë që përdorej për bagëtitë dhe ishte i dyti që zbulohej pas laboratorit të drogës që u zbulua në Xibrakë të Elbasanit. GJKKO ka dhënë në total 126.8 vite burg për 17 pjesëtarët e bandës, ndërsa kujtojmë që laboratori është zbuluar që në tetor të 2018-ës. Laboratori i heroinës në Has është pjesë e dosjes 339. SPAK mori në dorë hetimet për këtë dosje që lidheshin me grupin kriminal të Avdyajve të Shijakut.
DËNIMET QË JANË DHËNË SOT NGA GJKKO
Gjevi Ndoka 8 vjet 8 muaj
Altin Avdyli 6 vjet 8 muaj
Esat Mehmeti 10
Petrit Suljemani 8 vjet 8 muaj
Sajmir Sulejmani 8
Hajri Seferi 10 vjet 8 muaj
Orges Jahoelezi 6 vjet 8 muaj
Shkëlqim Avdyli 4 vjet 8 muaj
Mario Zeqiri 4 vjet 8 muaj
Elton Shehaj 4 vjet 8 muaj
Ardit Gjyriqi 4 vjet 8 muaj
Admir Hoxha 12
Hekuran Hoxha 10 vjet 8 muaj
Vehbi Berushi 8
Anila Shuti 2 vjet – 25 muaj sherbim prove
Xhavit Shyti 8
Flamur Çela 8
