Kylian Mbappe duket se dëshiron të bashkohet me Real Madrid me çdo kusht, teksa pritet të mos rinovojë kontratën me Paris Saint-German, që i skadon vitin tjetër.
Mediat spanjolle e raportojnë diçka të tillë, ndërsa francezi ka qenë në qendër të spekulimeve muajt e fundit.
Real Madrid dhe Liverpool kanë qenë të dyja të interesuara për 22-vjeçarin, megjithëse problemet financiare i kanë penguar ata të jenë në gjendje të bëjnë një ofertë të konsiderueshme.
Real do të humbasë nënshkrimin me Mbappe këtë verë, por gazeta madrilene “Marca” pretendon se ata nuk do të duhet të presin gjatë për të marrë synimin e tyre. Raportimi më i fundit i “Marca” përshkruan planin e qartë të Mbappe për të prishur kontratën e tij në PSG, duke detajuar se asgjë nuk do ta ndalojë atë të ndjekë lëvizjen e tij të ëndërruar.
Më tej shtohet se Mbappe nuk ka interes të transferohet në Liverpool, që do të thotë se Jurgen Klopp do të duhet të kërkojë diku tjetër në përpjekjen e tij për të përmirësuar vijën sulmuese. “Të kuqtë” ka të ngjarë të mos jenë shumë të zhgënjyer duke dëshira e Mbappe për të lëvizur në Madrid është e ditur prej kohësh, por PSG duket se do të mbetet e zhgënjyer, pasi ishte e thuajse e sigurt se mund ta bindte francezin me kushte të reja kontrate.
