Ballkanweb ka arritur të sigurojë një foto të Sebastian Malit, i arrestuar ditën e sotme pasi dyshohet si një prej autorëve të vrasjes së Hekuran Billës.
Policia e Tiranës e ka identifikuar ditën e sotme 22 vjeçarin Mali, i cili sipas policisë është nipi i Prel Markut i vrarë nga Billa në vitin 2006.
Ai dyshohet se ka bashkëpunuar me Viktor Markun për të marrë hakun e dajës, megjithatë vendimi për fajësinë e tij nuk është marrë ende.
I veshur me bluzë të bardhë dhe në një foto që tregon qartë moshën e tij, është bërë e njohur për herë të parë fytyra e 22 vjeçarit.
Hekuran Billa u qëllua më 12 qershor në zonën e “Komunës së Parisit” teksa ishte duke udhëtuar me makinën e tij.
Pista kryesore që po hetohet është ajo e të shkuarës së Billës, i cili rezulton si anëtar i një bande shqiptare, që përveçse me trafikun e femrave dhe drogës, kishte gjetur një tjetër mënyrë për të bërë para.
Banda ku bënte pjesë Billa dhe një tjetër me anëtarë nga Kosova, vidhnin paratë nga vendet e parkimit duke i shkaktuar bashkisë 1,243,000 £ dëm.
Pikërisht për këtë biznes të ri dhe të pa ‘lëvruar’ më parë, Billa vrau një të pafajshëm.
Më 2006 ai qëlloi me armë zjarri brenda një klubi, duke lënë të vrarë një 22-vjeçar të identifikuar si Prel Marku, i cili ishte kalimtar i rastit, si edhe plagosi 2 të tjerë.
Për vrasjen e tij, Billa u dënua me 34 vite burg, por u la i lirë nga Gjykatat shqiptare, nga e njëjta ‘dorë’ që liroi Endrit Doklen.
