Mbrëmjen e djeshme ka ndodhur një aksident i rëndë në aksin Fushë Krujë-Milot, në afërsi të fshatit Derven.
Si pasojë e aksidentit 4 persona mbetën të plagosur, ku njëri prej tyre ishte në gjendje kritike për jetën. I aksidentuari nuk e ka fituar betejën me jetën dhe ka ndërruar jetë në spitalin e Traumës.
Ndërkoha ka dalur fotoja e Dejvi Allamani, drejtues i një prej mjeteve të përfshira në aksident, fati I të cili ishte tragjik.
Të shumtë kanë qënë qytetarët të cilët kanë shprehur ngushëllimet për humbjen e të riut. Forumi Rinor i Partisë Demokratike në Kurbin ka ndarë një mesazh për të riun.
Kujtojmë që tre mjete u përplasën me njëra-tjetrën me pasojë katër persona të plagosur. Një prej tyre ishte edhe drejtuesi i një prej mjeteve, i identifikuar si Dervish Allamani, i cili fillimisht u bllokua brenda mjetit.
Me ndihmën e zjarrfikëses, Allamani është nxjerrë nga mjeti pas një ore dhe bashkë me tre të plagosurit e tjerë është nisur drejt spitalit të Traumës në Tiranë ku do të marrin mjekimin e nevojshëm. Ende nuk dihet shkaku i aksidentit, por paraprakisht raportohet të ketë qenë shpejtësia me të cilën udhëtonin mjetet.
Sipas njoftimit të policisë, dy mjete janë përplasur me njëra-tjetrën, konkretisht një makinë tip ‘Benz’ me targë AA 385 TL’, një ‘Golf’ me targa ‘AB 700 XG’.
Nga ana tjetër bëjmë me dije se Drejtoria e Përgjithshme e Shërbimit të Transportit Rrugor, bëri të ditur sot se në këtë periudhë, numri i të aksidentuarve është 247 persona nga 268 persona të aksidentuar në të njëjtën periudhë të një viti më pare, ose 7.8 për qind më pak krahasuar me vitin 2021.
