Kuvendi i Shqipërisë do të mbajë nesër seancën plenare, e cila do të nisë në orën 10:00 dhe do të drejtohet nga kryetarja Elisa Spiropali.
Në rendin e ditës është planifikuar një interpelancë me ministren e Shëndetësisë dhe Mbrojtjes Sociale, Albana Koçiu, e kërkuar nga deputeti Agron Shehaj.
Ndër çështjet e tjera që do të diskutohen, përfshihet projektligji për aderimin e Shqipërisë në Protokollin Opsional të Paktit Ndërkombëtar për të Drejtat Ekonomike, Sociale dhe Kulturore, i nënshkruar më 10 dhjetor 2008 në Nju Jork.
Po ashtu, do të shqyrtohet projektligji për ratifikimin e marrëveshjes ndërmjet Këshillit të Ministrave të Shqipërisë dhe qeverisë së Konfederatës Zvicerane për projektin “Bashki të forta (BTF), faza 2,” i mbështetur nga Agjencia Zvicerane për Zhvillim dhe Bashkëpunim.
