Studentët vijojnë protestën për plotësimin e kërkesave të tyre dhe janë në pritje të një përgjigjeje pozitive nga qeveria.
Kujtojmë që i kanë dhënë një ultimatum kryeministrit deri nesër në orën 16:00 duke i kërkuar atij që të zhvillohet një seancë e jashtëzakonshme për të shqyrtuar kërkesat e tyre dhe nëse Rama nuk e bën këtë gjë, protesta do bëhet kombëtare.
Mësohet për “oranews.al” që Kuvendi është gati të mblidhet dhe që i është kërkuar administrates së Kuvendit të rrinë në gatishmëri.
Kujtojmë që Edi Rama ka rënë dakord për miratimin e 8 pikave, me kusht që studentët të ulen të dialogojnë.
Sakaq studentët janë shprehur se nëse nuk marrin përgjigje pozitive deri nesër në orën e caktuar, ata kanë paralajmëruar se do organizohet një protestë masive të hënën ku nuk do jenë vetëm studentët të pranishëm por do u bëjnë thirrje të gjithëve, gjimnazistëve dhe qytetarëve të bashkohen me ta.
