Kuvendi i Shqipërisë ka miratuar buxhetin vjetor për vitin 2021, pasi ishte edhe një prej pikave të parashikuara në rendin e ditës.
Bëhet me dije se buxheti i vitit 2021 u miratua me 84 vota pro, 14 kundër dhe 1 abstenim.
Përpos miratimit të buxhetit, pritet të hyjë në fuqi edhe rimbursimi i barnave kundër covid-19 në një fond për rimbursimin e ilaçeve në vlerën e 12 miliardë lekëve, pagat e naftëtarëve me një shumë prej 560 milionë lekësh, si dhe rritja e buxhetit për disa ministri.
Parashikohet në buxhet , rritja e buxhetit të Ministrisë së Bujqësisë dhe të Turizmit më përkatësisht + 350 mln lekë (MFE garanton vetëm +200 mln lekë) dhe +100 milionë lekë. Buxheti i Kuvendit u rrit me 100 milionë lekë, KLSH-ja mori 3 milionë lekë; Ministria e Bujqësisë dhe Shkolla e Magjistraturës + 60 milionë lekë; KLP +3 milionë lekë; Akademia e Shkenca +10 milionë lekë; RTSH +36 milionë lekë. Ndërkohë fonde do të përfitojë edhe KQZ-ja dhe ndërtimi i Teatrit të ri Kombëtar.
Po ashtu kryeministri njoftoi dhe dyfishimin e ndihmës ekonomike deri në përfundim të pandemisë.
Kryeministri Rama i parapriu votimit të buxhetit, ku nga foltorja e Kuvendit premtoi se në buxhetin e vitit 2021 përveç rritjes së pagave me 40% për mjekët dhe infermierët, edhe mësuesit do të kenë rritje, pagash, ndërsa foli edhe për të gjithë qytetarët që nuk e përballojnë dot situatën e vështirë ekonomike./GazetaReforma.com/
