Pas një seance maratonë në Kuvend, Parlamenti ka votuar në parim projektbuxhetin për vitin 2025.
Seanca u përcoll nga debate të gjata mes maxhorancës dhe opozitës, me të dyja palët që shprehën qëndrime krejtësisht të kundërta për përmbajtjen dhe ndikimin e buxhetit të ri.
Projektbuxheti u miratua me 74 vota pro dhe 40 kundër, ndërsa në sallë ishin të pranishëm 116 deputetë.
Maxhoranca e përshëndeti miratimin e buxhetit, duke theksuar se ai përmban politika për të nxitur zhvillimin ekonomik, përmirësimin e infrastrukturës dhe rritjen e mirëqenies sociale.
Ndër prioritetet kryesore të përmendura janë investimet në arsim, shëndetësi dhe bujqësi, si dhe përpjekjet për të ruajtur stabilitetin financiar të vendit.
Nga ana tjetër, opozita e cilësoi buxhetin si të padrejtë dhe të orientuar drejt interesave të ngushta të maxhorancës.
Deputetët opozitarë argumentuan se buxheti i vitit 2025 dështoi të adresojë sfidat kryesore të qytetarëve, si rritja e çmimeve, papunësia dhe mungesa e mbështetjes për shtresat më të varfra.
Gjatë diskutimeve, deputetë të opozitës kërkuan vendosjen e një minimumi jetik prej 200 eurosh dhe më shumë fonde për shtresat vulnerabël dhe rajonet më pak të zhvilluara.
Projektbuxheti pritet të kalojë në fazën e detajimit dhe votimit nen për nen në ditët e ardhshme, ku do të diskutohet në mënyrë më të hollës
