Kuvend/ Xhelal Mziu i ‘hedh syrin’ celularit të Berishës, ku pritet ta spiunojë?

Gjatë ditës së sotme është mbajtur seanca plenare në Parlament. Gjatë gjithë seancës nuk kanë munguar episode brilante që vetëm Kuvendi ynë i nxjerrë, ndërsa Rama bëri bujë me porosinë e tij ndaj demokratëve ku u apeloi se nëse ikin pas një vdekuri politikisht si Sali Berisha ai nuk do të ketë asnjë kontakt me asnjë demokrat. Pas kësaj reagoi vetë lideri i demokratëve. Sali Berisha e sfidoi. “Opozita, jo biologjiken, por vdekjen politike do ia garantojë”. Sa i përket çështjes së Presidentit kreu i qeverisë tha se PS është e gatshme të konsultohet me opozitën dhe nëse do të japin kandidaturë që do të jetë bindëse, mazhoranca do ta votojë pa asnjë problem. Një tjetër foto perlë u kap nga seanca. Është pikërisht kjo që shihni në artikull. Xhelal Mziu, ish-kryebashkiaku i Kamzës, aktualisht deputet i Dibrës është fotografuar duke i hedhur një sy mesazheve personale dhe private të Sali Berishës. Nuk dihet pse sytë e Mziut kanë shkuar tek celulari i Berishës, ndërsa shihet qartë se po lexon dhe shikon me imtësi dhe me kujdes çdo gjë që ka parë dhe shkruar Berisha në celularin e tij. Seanca e sotme është shoqëruar me shumë debate intensive, teksa për ndryshimet kushtetuese të 2008, Rama tha se “10 herë do bëja të njëjtën gjë për të shmangur që një i vdekur të merrte peng gjithë dynjanë këtu për të shmangur këtë dhe atë që ndodhi në 2007 që ishte një tjetër skandal.