Votimin me 97 vota pro të Kodit Zgjedhor, Edi Rama e quan gjithëpërfshirje, ndërsa Rudina Hajdari thotë se është një pazar. Pas votimit të Kodi Zgjedhor, kryeministri Rama deklaroi jashtë Kuvendit se ata që e votuan nuk janë as tradhtar, as janë blerë nga PS. Ndërkaq, ai ka shpjeguar edhe efektin e këtij Kodi, që sipas tij, sjell lumturi për Lulin dhe dëshpërim për Ilirin.
“O janë blerë o janë tradhtarë, kanë opinionin e tyre të ndryshëm nga i disa të tjerëve. Nuk janë kështu. BE nuk ka kërkua një reformë zgjedhore konsensuale, por gjithëpërfshirëse dhe kjo është reforma më gjithëpërfshirëse. Nuk kujtoj asnjë rast kur PD ose PS nuk ka qenë në parlament. Konsensusin për votën e përcakton Kushtetuta, jo lumturia e Lulit apo depresioni i Ilirit, nëse janë 84 vota kalon Kodi Zgjedhor, nëse janë 93 vota ndryshon Kushtetuta. Gjithëpërfshirja është që i ke përfshirë në proces, jo që të gjithë të votojnë. PD ka fituar komisionet siç i donte dhe do votojmë edhe ata që do PD-ja”, deklaroi Rama.
Ndryshimet
Sipas Kodit të ri Zgjedhor përcaktohet se pragu kombëtar do të jetë 1 %, do të ketë ri-renditje të pjesës së parë të listës së kandidatëve bazuar tek vota preferenciale, i jep të drejtë kryetarit të partisë të garojë në 4 zona zgjedhore njëkohësisht dhe se për të kaluar pragun e listës, kandidatëve u vendoset prag tavan 10 mijë vota si dhe heqja e koalicioneve të përbëra dhe kandidimi me listë unike. Kjo ndihmon partitë e reja dhe opozitën parlamentare.
Lista bëhet sërish nga kryetari i partitë. Kandidati mund ta prishë këtë renditje të bërë nga partia, vetëm nëse merr me shume votat parapëlqyese se sa mesatarja që ka marrë partia për të fituar një mandat deputeti në një qark. Shpërndarja e mandatit fillon sipas renditjes së kandidatëve nga i pari tek i fundit. Këtu përfitojnë të gjithë krerët e partive.
Sipas Kodit, koalicionin partitë mund ta bëjnë vetëm me listë unike dhe në një sigël të vetëm. Këtë pikë nuk e donte Partia Demokratike dhe LSI.
Opozita e re
Deputetja e opozitës së re, Rudina Hajdari, e cila u përplas me Ramën për foltoren, tha se se ka bërë gjithçka, por nuk e ndaloi dot miratimin e këtij kodi.
“Ju e patë që ia bllokova foltoren sepse shpreha revoltën e shqiptarëve. Ishte personi që bëri premtimin se do i rikthente sovranitet popullin duke hapur listat, dhe ai nuk e bëri këtë. Vuri mbi interesat e shqiptarëve , interesat e një grupi njerëzish. Ndaj sot qëndrova deri në fund se këtë mjet kam në dorë , u përpoqa me të gjitha mënyrat për ta ndaluar këtë proces, kishte shansin që të ndalonte seancën plenare. Formula që ata sollën ishte një forcë politike. Ju e kuptoni, që këtu opozitarët kanë ardhur rastësisht, unë mbaj përgjegjësi për votën time. Kam bërë koalicion me qytetarët, nuk jam këtu për pazare, si Rama. Kjo betejë nuk bëhet për një karrige”, tha Hajdari.
