Drejori i i Përgjithshëm i Transportit Rrugor, Blendi Gonxhe, ka dhënë një intervistë për “Top Channel”, pas ngjarjeve të fundit në vend, ku është regjistruar një numër i lartë aksidentesh, edhe me pasojë vdekjen.
Drejtori i DPSHTRR paraqiti disa tabela grafike të shifrave se si janë ulur aksidentet dhe rritje të numrit të shoferëve të rinj. Gonxhja foli edhe për lehtësimet që janë bërë në provimit teorik, ku pohoi se kush nuk e merr, është idiot.
Kemi 1. 163.575 drejtues mjeti në vitin 2021, +26 mijë shoferë të rinj në vitin 2021.
Të gjithë thonë që 24 vjeçarët janë më me pak eksperiencë kjo është jo e vërtetë, është punuar mirë vitet e fundit. Nuk ka histeri dhe paragjykim, provimi i teorisë duhet të merret pasi ai që nuk e merr është idiot, pasi është shumë i lehtë”, tha mes të tjerash Blendi Gonxhe.
Ndërsa ditën e djeshme, në një intervistë në ABC, Gonxhe tha: “Në të gjitha parametrat deri në 24 vjeç, apo 44 vjeç, apo 60 vjeç, jemi më mirë se në vitin 2018, nuk po shkoj më larg.
Unë ju garantoj që perceptimi, është i drejtë ta kemi shqetësimin, por nuk qëndron. Mund të flasim për, të rinj dhe makina të fuqishme, ku na çon ky binom? Por nuk ka statistika që janë makina luksoze dhe bëjnë aksidente.
Vetësiguria fillon në atë 10 vjeçarin e parë, fillohet pihet, mbahet celulari, shoh, ka edhe zonja, vajza të nderuara që janë tërë kohën duke u lyer, me telefon në dorë. Është gati edhe arrogancë, pasi makinat e reja janë me Bluetooth dhe nuk ka nevojë më për celular në dorë”.
