Më 12 qershor, qyteti i Ahmedabadit në Indi u trondit nga një tragjedi ajrore kur një avion pasagjerësh i kompanisë Air India, tip Boeing 787, u rrëzua mbi një ndërtesë banimi pak çaste pas ngritjes.
Si pasojë, humbën jetën 279 persona, përfshirë pasagjerë, anëtarë të ekuipazhit dhe banorë të godinës së goditur.
Por mes errësirës së kësaj ngjarjeje, dolën edhe disa histori të jashtëzakonshme mbijetese. Shtatë persona, të cilët për arsye të ndryshme nuk hipën në aeroplanin e fatkeq, mund të konsiderohen të shpëtuar në kufi të sekondave.
Njëri prej tyre është Yaman Vyas, një punonjës magazine në Mbretërinë e Bashkuar, i cili ishte kthyer për pushime në shtëpi. Ai kishte planifikuar të udhëtonte me këtë fluturim drejt Londrës, por në momentin e fundit, pas këmbënguljes së nënës që ai të qëndronte edhe pak, anuloi udhëtimin.
Jaimin dhe Priyia Patel, përkatësisht 29 dhe 25 vjeç, mbërritën në aeroport në kohë, por u ndaluan në portë për shkak të një problemi me check-in. Pa e ditur ende tragjedinë që po afronte, u kthyen në shtëpi, për të zbuluar pak më vonë se kishin shmangur një fat të tmerrshëm.
Një tjetër histori e rrallë është ajo e Savji Timbadias, e cila kishte planifikuar të udhëtonte për të parë të birin, por një ndjesi e pashpjegueshme shqetësimi e bëri të shtynte fluturimin për një javë. Më pas, vendimi i saj u shndërrua në shpëtim.
Ndërkohë, Bhoomi Chauhan humbi fluturimin sepse mbeti i bllokuar në trafik. Kur më në fund mbërriti në aeroport, ishte tepër vonë, stafi nuk e lejoi të hipte në bord.
Rasti i fundit është ai i Jayesh Takkaras, i cili ndodhej në një takim pune në Kalkuta. Zgjatja e diskutimeve i kushtoi atij fluturimin, por në mënyrë të pabesueshme edhe jetën që do t’i shpëtohej përmes këtij vonimi.
Të shtatë këta persona, përmes vendimeve spontane, vonesave të rastësishme apo ndjesive të brendshme, i shpëtuan një tragjedie që ndali zemrat e qindra të tjerëve.
