Sa fillon programi i “Big Brother VIP 3” menjëherë shtohet interesimi për të ditur se kush nga VIP-at ka marrë më shumë pëlqyeshmëri, pra është përqafuar më shumë nga audienca e gjërë.
Lidhur me këtë temë, ishte i ftuar në “Wake Up”, eksperti i IT-së Tomi Kallanxhi, i cili ka folur për shifrat që mund të përfitojnë personazhet e edicionit të tretë të “Big Brother VIP”.
Kallanxhi u shpreh se ende është në një proces për të nxjerrë një listë me emra të këtyre personazheve, të cilët do të kenë përfitime të mëdha në rrjetet sociale. Por ai shtoi se deri më tani ata duken shumë korrekt dhe ende nuk kanë prodhuar një kontent në mediat sociale.
Sipas tij, gazetari Elvis Myrtaj është një personazh që ka goxha popullaritet dhe ka aprovim në rrjetet sociale.
“Elvis Myrtaj, gazetari, është njeri popullor, domethënë, ka aprovim në rrjetet sociale, prodhon aprovim në rrjetet sociale. Ky “Big Brother” më duket politikisht korrekt, pra njerëzit janë politikisht korrektë dhe kjo ndoshta nuk është shumë pozitive për të prodhuar kontent më mediat sociale. Sot një vit më parë thoshim që kishim fituesin e “Big Brother”, por këtë vit është shumë e vështirë për ta kuptuar. Gara këtë vit është shumë më e fortë. Po e studioj, do nxjerrim disa shifra”, u shpreh eksperti.
