Nikolin Hubaj është personi që u plagos ditën e sotme në Shkodër, me dy plumba në këmbë, në rrethana që ende nuk janë të qarta.
Aktualisht, Hubaj është punonjës te burimet njerëzore në hidrcentralin e Komanit e po ashtu edhe anëtar i Këshillit Bashkiak në Vaun e Dejës. Më parë, ai ka qenë në postin e kryetarit të Partisë Socialiste në Vaun e Dejës. Policia nuk ka bërë ende me dije nëse ngjarja ka ndodhur për postin e tij të mëparshëm apo atë aktual, apo për shkaqe të tjera.
Njoftimi i policisë për ngjarjen e ditës së sotme:
Më datë 04.09.2021, rreth 10:15, në afërsi të shkollës Pyjore, Shkodër, në rrethana ende të paqarta është plagosur me armë zjarri në këmbë, jashtë rrezikut për jetën shtetasi N. H., 54 vjeç, banues Vau Dejës.
Kujtojmë se në vitin 2015, në një takim tepër të tensionuartë socialistëve ku drejtonte Ditmir Bushati, Nikolin Hubaj pati përplasje në ambientet e jashtme. Në mbledhjen në fjalë, Ernest Paluku koordinator në Vaun e Dejës është përplasur me Hubajn, duke e akuzuar se nuk e kishte njoftuar.
Gjithsesi debati mes tyre u shua shpejt, ndërsa Ditmir Bushati u tregua tepër i rreptë në fjalën e tij ndaj drejtuesve, fjalim që zjagti gati një orë. 
