Një ngjarje tragjike ka ndodhur sot në Tiranë, ku një 14-vjeçar, Martin Cani, lojtar i skuadrës U15 të Dinamos, është vrarë pas një sulmi me thikë pranë shkollës “Fan Noli.”
Një tjetër adoleshent, L.M., është plagosur dhe po merr trajtim mjekësor.
Ngjarja ka ndodhur pas përfundimit të mësimit, kur dy djemtë u sulmuan në një rrugicë 150 metra larg shkollës.
Martin Cani humbi jetën menjëherë, ndërsa L.M. ndodhet në gjendje stabile. FC Dinamo shprehu ngushëllime për humbjen e lojtarit të ri dhe u shpreh e tronditur nga ky incident.
Reagimi i klubit Dinamo
Jemi thellësisht të tronditur nga lajmi tragjik për ndarjen e parakohshme nga jeta të lojtarit tonë Martin Cani, pjesë e skuadrës U-15.
Presidenti Adrian Bardhi dhe klubi FC Dinamo City i shprehin ngushëllimet më të sinqerta familjes Cani dhe i gjenden pranë në këto momente shumë të vështira.
U prehsh në paqe Martin!
