Avokati i biznesmenit Pëllumb Gjoka, Ylli Manjani në një deklaratë për gazetarët ka deklaruar se klienti i tij po mbahet padrejtësisht në qeli. Sipas Manjain drejtësia mund të vazhdojë hetimet e qetë, por nuk ka arsye që ta mbajë të burgosur Gjokën. Kujtojmë se ky i fundit u arrestua, pasi emri i tij u gjet në përgjimet e aplikacionit Sky dhe implikohej në vrasje dhe disa vepra të tjera penale.
I pyetur se kush mund të kërkojë që Pëllumb Gjoka të qëndrojë në burg, Manjani u përgjigj se “nuk mundet të ushqejë konspiracionistët me teori”.
“Drejtësia nëse do të hetojë le të hetojë, mbajtja nδ burg gjatë hetimit nuk është standart. Me këtë standart nuk keni parë gjë akoma. Nuk ka prova. Nuk bëj dot teori konspiracioni, nuk i ushqej dot konspiracionistët me teori. Atë që nuk keni parë akoma është standarti i ulët i marrjes në përgjegjësi penale. Për shkak të këtij standarti shprehja e shokut Enver të gjithë në ushtri, do bëhet të gjithë në burg”, u shpreh ai.
