Mëngjesin e sotëm lideri i Lëvizjes Vetëvendosjes dhe ish-kryeministri i Kosovës, Albin Kurti, njoftoi se pas testimit për Covid-19 kishte rezultuar pozitiv.
Ndërkohë Kurti tha se pasi kishte vënë re simptomat e koronavirusit kishte bërë testin dhe tani për dy javët në vijim do të qëndrojë i izoluar.
Menjëherë sapo ka dëgjuar këtë lajm kryeministri në detyrë i Kosovës Avdullah Hoti i ka uruar shërim të shpejtë Kurtit. Hoti ka thënë se i uron shërim të shpejtë jo vetëm Kurtit por edhe të tjerëve që janë të infektuar me Covid-19.
STATUSI NGA AVDULLAH HOTI
Kryetarit të Lëvizjes Vetëvendosje, Albin Kurti, i dëshiroj që ta kaloj sa më lehtë gjendjen shëndetësore me COVID-19. Zotit Kurti dhe të gjithë të prekurve tjerë i uroj që sa më lehtë t’i përballojnë simptomat dhe t’i kthehen angazhimeve të përditshme.
