Ditën e sotme kryeministri i Kosovës, Albin Kurti, gjatë konferencës për shtyp me Edi Ramën ka shprehur të rejat e fundit në lidhje me projektin e “Ballkanit të Hapur”. Ai u shpreh se nuk ka asnjë zhvillim të ri në lidhje me këtë çështje dhe sa i takon pjesëmarrjes së vendit të tij në projekt.
Kurti bëri me dje se janë firmosur 19 memorandume nga palët sot dhe kjo është për tu përshëndetur. Ai i ka cilësuar këto marrëveshje vllazërore. Ndërkohë në lidhje me pyetjen e gazetarëve se çfarë qëndrimi ka tani edhe pas kërkesës së Odës Ekonomike për të qenë e pranishme në Ballkanin e Hapur. “Çështja është e ngritur, është e një dimensoni tjetër, nuk është mes Kosovës dhe Shqipërisë. Nuk kam asnjë gjë të re për të thënë”, u shpreh Kurti.
Ndërkohë edhe Rama foli në lidhje me këtë çështje për të cilën u shpreh se nuk është problem që nuk bie dakord me Albin Kurtin për pjesëmarrjen e Kosovës në Ballkanin e Hapur.
“Jam shumë i lumtur për cdo investim të huaj që vjen në Shqipëri, por ne kemi nevojë për kampionët tanë, që janë ata që bëjnë sipërmarrje në Shqipëri, Kosovë e kudoqoftë dhe që përfaqësojnë ambicien e sipërmarrësve shqiparë. Unë takohem me bizneset e Kosovës në Kosovë apo Shqipëri, por kjo nuk ka të bëjë me marrëdhëniet me qeverinë e Kosovës dhe nuk duhet të përfshihet ëktu asnjë spekulim, sepse nuk është i vërtetë. Spekulime mund të bëni, se ju jetoni me to, por e vërteta është se ne jemi shumë pozitivë në raport me Kosovën, me marrëdhëniet, dhe nuk ka asnjë diskutim se për çështjet që kanë të bëjnë me Kosovën dhe për Kosovën, ne nuk jemi dy. Kur vjen puna për Ballkanin e Hapur dhe Procesin e Berlinit janë çështje të natyrës konceptuale. Fakti që nuk biem dakord për çdo gjë do të thotë që jemi në rregull”, tha Rama.
Kujtojmë se Rama është një mbështetës i madh i këtij projekti dhe ka luftuar fort për përfshirjen e Kosovës në të, pavarësisht se pa rezultat.
