Haradinaj i përgjigjet ftesës së Kurtit për takim: Për tema nacionale nuk ka qeveri e opozitë
Ditën e sotme Kryeministri i Kosovës, Albin Kurti ka dërguar ftesa zyrtare ndaj liderëve të opozitës në Kosovë për të bashkëbiseduar në lidhje me çështjen e dialogut me Serbinë. Kurti kishte bërë një ftesë të hapur për ta edhe më herët por sot i ka ftuar edhe zyrtarisht.
Ftesës së Kurtit i është përgjigjur menjëherë kryetari i Aleancës për Ardhmërinë e Kosovës (AAK) ish presidenti, Ramush Haradinaj. Ky i fundit përmes një postimi në Facebook ka konfirmuar se i është përgjigjur pozitivisht kësaj ftese.
“I jam përgjigjur pozitivisht ftesës së Kryeministrit Kurti, për një bashkëbisedim lidhur me takimet e fundit që janë zhvilluar në Bruksel. Për mua dhe Aleancën, çëshja e dialogut për njohje, gjithmonë ka qenë çështje mbipartiake. Këtë përcaktim e kam pasur edhe gjatë kohës sa e kam udhëhequr qeverinë e vendit”, ka shkruar Haradinaj.
Haradinaj thekson se në lidhje me tema që i përkasin interesit kombëtar, nuk ka diferencime qeveri dhe opozitë.
Kujtojmë se Kosova dhe Serbia më 27 gusht kanë arritur marrëveshje për heqjen dorë nga lëshimi i dokumenteve për hyrje-dalje për shtetasit e dy vendeve.
Kjo marrëveshje nënkupton se qytetarët e Serbisë dhe ata të Kosovës, do të mund të kalojnë kufirin me kartat e tyre të identitetit, pa pasur nevojë që të pajisen me një letër shtesë të hyrje-daljes.
