Parku i Butrintit është “kurbani” i radhës i keqmenaxhimit të pasurive të vendit nga qeveria shqiptare.
Qeveria miratoi një marrëveshje me Fondacionin Shqiptaro- Amerikan të Zhvillimit për menaxhimin e Parkut Kombëtar të Butrintit në 10 vitet e ardhshme, sipas një plani, që parashikon mbrojtjen e Parkut dhe financimin nga AADF 5 milionë dollarë për këtë qëllim.
Kështu, fondacioni ka të drejtën për menaxhimin e Butrintit, për të përcaktuar çmimin e biletave dhe dhënien në përdorim të të gjitha formave të trashëgimisë dhe pasurisë kulturore. Tashmë qeveria shqiptare ka një projektligj për dhënien me koncension të Parkut Kombëtar të Butrintit. Në projektligj parashikohet dhënia përmes një marrëveshjeje nën administrim e Parkut Kombëtar të Butrintit një fondacioni të posaçëm, cili do krijohet mes Ministrisë së Kulturës dhe Fondit Shqiptaro-Amerikan për i Zhvillim, AADF.
Ndërkohë që Aleanca për Mbrojtjen e Butrintit ka thirrur një protestë para Parlamentit pasi mazhoranca ka përcaktuar në rend dite të kalojë ligjin për dhënien me koncesion të Parkut Kombëtar të Butrintit.
Thirrjen e ka bërë njëri prej nismëtarëve Aulon Kalaja, i cili thotë se ‘nesër, e henë, ora 09:30, mblidhemi para Parlamentit, sepse duan të kalojnë pabesisht ligjin për Butrintin. Nëse mundeni takohemi atje me kolegë të tjerë si Apollon Baçe, Neritan Ceka, Edmond Budina, Andi Tepelena, Aulon Kalaja, etj’.
Vlen të theksojmë se Aleanca për Mbrojtjen e Butrintit është një grup veprimtarësh, studiuesish dhe ekspertësh të historisë dhe arkeologjisë zhvilluan një tubim ku shpallën krijimin e Aleancës për Mbrojtjen e Butrintit. Ata kanë premtuar se do të bëjnë çdo përpjekje për të ruajtur të paprekur këtë zonë të rëndësishme të historisë dhe të trashëgimisë kulturore.
Tematika e abuzimit me parkun kombëtar Butrintin është ngitur shpesh herë nga deputetja e Partisë Demokratike Ina Zhupa.
Zhupa është shprehur se për këtë marrëveshje nuk është marrë mendimi i asnjë eksperti shqiptar, ndërsa akuzoi se qëllimi i vetëm është të pasurohet privati dhe të zhduket historia e Shqipërisë.
“Ju vini dhe na thoni që shteti do të jetë aty sepse do të jetë Elva Margariti pjesë. Zonja Margariti prezantohet si pjesë e bordit, ndoshta për ta futur veten në bord edhe kur të mos jetë ministre. Atje ka 5 persona, ndërsa Margariti është vetëm 1 dhe s’ka asnjë pikë ku thuhet të ketë të drejtë vetoje dhe të jetë mbi 4 vota të privatit. Pra Butrinti i kalon privatit, 4 personave të tjerë që janë privat. Dikush i njohur, dikush më pak i njohur. Kjo është e zeza mbi të bardhë, është vendimi i gjykatës, është fakt” është shprehur deputetja Ina Zhupa. Gjithashtu nuk ka munguar një reagim nga historiani i njohur Auron Tare në rrjetet e tij sociale në lidhje me çështjen e Butrintit.
Tare shkruan se Konventa tregon qartësisht se Fondacioni nuk mund të jetë administrator por nxitës të donacioneve për Qendrat e Trashëgimisë Kulturore. /Gazeta Reforma
