Kryeministri Edi Rama u ka bërë thirrje qytetarëve të mos bien pre e mashtrimeve e të përdorin çdo ilaç që serviret, por të përqëndrohen në dy skemat bazë të kurimit kundër Covid-19.
Në konferencën e sotme, kryeministri tha se përdormimi pa kriter i këtyre barnave mund të sjellë dëme të pa rikuperueshme.
“Mos bini pre e 20 mijë mënyrave dhe sugjerimeve që vijnë nga 20 mijë drejtime me qasje kontradiktore, por referojini dy skemave bazë të mjekimit. Jo ilaçeve të tepërta, jo këshillave nga katër anët, por protokollit me dy skema të thjeshta, që janë botërisht të unifikuara. Dyndja me ilaçe mund të sjellë pasoja të parikuperueshme.”, deklaroi Rama.
Më tej ai tha se shteti ka siguruar rreth 1.6 milionë doza vaksinash të mjaftueshme për 800 mijë qytetarë. Por ende nuk ka bërë të ditur planin e vaksinimit në afate kohore apo grupmosha.
Pjesë nga fjala:
“Janë 1012 mjekë që paguhen me 500 euro plus pagës në muaj dhe do paguhen deri në fund të luftës. Spitalet Covid janë të pajisura me të gjitha aparaturat që janë edhe në spitalet e Europës, nuk mungon asgjë. Trajtimi në banesë është financuar nga dy skema mjekimi.
Mos bini pre e 20 mijë mënyrave dhe sugjerimeve që vijnë nga 20 mijë drejtime me qasje kontradiktore, por referojini dy skemave bazë të mjekimit. Jo ilaçeve të tepërta, jo këshillave nga katër anët, por protokollit me dy skema të thjeshta, që janë botërisht të unifikuara. Dyndja me ilaçe mund të sjellë pasoja të parikuperueshme.
Sot kemi 100 ambulanca të reja që merret vetëm me ketë punë. Sot kemi emergjencë kombëtare, e regjistruar kompjuterikisht për shërbime në kohë, që as imagjinohej më parë. Numri i testimeve është 10-fishuar në krahasim me muajin qershor. Kanë hyrë në qarkullim testet e shpejta, që janë kryer deri tani 80 mijë teste, kemi rritur epidemiologët në terren. Ky është një proces i vështirë. Vaksina e gripit është falas sot. Kemi siguruar 1.6 milionë vaksina për 800 mijë qytetarë.”
