Ditën e sotme Gjykata e Posaçme ka liruar nga burgu ish-deputetin e PS-së Alqi Bllako.
Kujtojmë që Bllako është akuzuar për aferën e inceneratorëve.
Deri më tani mësohet se gjykata vendosi caktimin e masës ‘Arrest shtëpie’ për Bllakon. Duhet theksuar se në një vend si Shqipëria ku institucionet e drejtësisë nuk kanë pavarësinë e plotë të tyre nga politika, rrjedhimisht zyrtarët e lartë janë “peshqit e mëdhenj” që gjithmonë do ia dalin të shpëtojnë.
Madje edhe në rastet ku aferat korruptive në përmasat e zhvatjes së shtetit përmes inceneratorëve.
Referuar dosjes, Prokuroria e Posaçme kërkoi arrestimin e deputetit të Partisë Socialiste Alqi Bllako me dyshimin se ka marrë në formë rryshfeti 150 milionë lekë për ndërtimin e inceneratorit të Fierit. Sipas hetimeve këtë shumë parash, deputetit socialist e ka marrë nga kompania “Integrated Technology Ëaste Treatment Fier” sh.p.k. duke paguar fiktivishit babain e tij Edmond Bllako, që rezulton i punësuar në Inceneratorin e Tiranës. SPAK akuzoi gjithashtu Bllakon se ka falsifikuar dokumentat për inceneratorin e Fierit në kohën kur mbante detyrën e sekretarit të përgjithshëm në Ministrinë e Mjedisit, në bashkëpunim me ish-ministrin, Lefter Koka dhe kryetarin e komisionit të shpronësimeve Pëllumb Abeshi .
Ata kanë ndryshuar destinacionin e sipërfaqes së tokës ku u ndërtua inceneratori nga tokë arë në tokë truall duke i shkaktuar një dëm ekonomik buzhetit të shtetit prej 16 288.344 (gjashtëmbëdhjetë milion e dyqind e tetëdhjetë e tetë mijë e treqind e dyzet e katër) lekë.
