Ndër këto pagesa reklamash që ka përlarë TV-Klan, 8.6 milionë Euro i janë dhënë në vitet 2007-2013 nga Ministria e Mbrojtjes dhe Policia e Shtetit, të cilat i hoqën nga fondet e emergjencës së përmbytjeve dhe nga fondi rezervë për orët shtesë të punës së policëve…
Është për t’u përshëndetur, deklarata që kreu i SPAK, Altin Dumani bëri para gazetarëve, se përveç Sali Berishës, para drejtësisë do shkojë dhe çifti Meta Kryemadhi, Edi Rama, Erjon Valiaj, Ilir Beqja e të gjithë ata qeveritarë e ish-qeveritarë që kanë abuzuar me pasuritë e fondet publike.
Aktualisht, Sali Berisha është nën hetim e me masë penale, për favorizimin e dhëndrit ndërtues Jamarbër Malltezi me tokat, objektet dhe procedurat e grabitjes së ish-kompleksit “Partizani”, duke nxjerrë 3 vendime të posaçme qeverie për të.
Por afera me ish-kompleksin “Partizani” është shumë vogël, përballë aferës me 165 mijë m2 troje e objekte të ish-Kinostudios “Shqipëria e Re”, ish-prona të familjes “Hysa”, të cilat ish-kryeministri Sali Berisha, nuk ua dha siç ia dha fisit “Begeja” e dhëndrit të tij.
Por bashkë me ish-ministrin Ritvan Bode, ia dhuroi Aleksandër Frangajt, për të vendosur biznesin e “TV-Klan”, paçka se pronarët legjitim “Hysa”, fituan të drejtën e marrjes së kësaj pasurie me vendim të Gjykatës së Lartë, por nuk e morën dot, megjithëse i dërguan 73 ankesa e kërkesa ish-kryeministrit Sali Berisha.
Afera e dytë, që Sali Berisha e Ritvan Bode kanë bërë në favor të Aleksandër Frangajt gjatë pushtetit 2005-2013, janë 12 milionë Euro nga buxheti i shtetit, dhuruar “TV Klan” për reklama televizive në favor të qeverisë, madje edhe kur Sali Berisha thyente “rekorde” në not e ngjitje në Murin e Madh Kinez.
Ndër këto pagesa reklamash që ka përlarë TV-Klan, 8.6 milionë Euro i janë dhënë në vitet 2007-2013 nga Ministria e Mbrojtjes dhe Policia e Shtetit, të cilat i hoqën nga fondet e emergjencës së përmbytjeve dhe nga fondi rezervë për orët shtesë të punës së policëve.
Për grabitjen e ish-Kinostudios dhe për 12 milionë Euro reklama që i dhuruan Aleksandër Frangajt, qeveria e PS bëri kallëzim penal në muajin nëntor 2013 pas ardhjes në pushtet, duke akuzuar kryeministrin Sali Berisha e ministrin Ritvan Bode.
Madje, para ardhjes në pushtet, Babloku u thoshte gazetarëve të TV-Klan: “Bëji të fala Sandrit”; ndërsa pas ardhjes në pushet e kallëzimit penal, deklaroi në parlament, se milionat që ka grabitur tellalli mediatik i Sali Berishës, do t’i ri-kthehen shtetit.
Por prej 10 vitesh, Sandër Frangaj është bërë tellall i Bablokut dhe ka marrë leje e troje shtetërore për kulla, hotele, resorte e ferma në Tiranë, Durrës, Kavajë, Lalëz, Vlorë, Himarë e Sarandë, ndërsa Ritvan Bode u emërua nga PS në Këshillin Mbikëqyrës të Bankës së Shtetit.
Nëse SPAK ka këllqe, le ta hetojë e ta çojë para drejtësisë, aferën 12 milionë Euro reklama propagandistike qeveritare në TV-Klan dhe 165 mijë m2 truall e objekte shtetërore të ish-Kinostudios, që Sali Berisha e Ritvan Bode ia dhuruan Aleksandër Frangajt./Pamfleti
