Teksa realizoi një komunikim live me qytetarët në Facebook, ku lajmëroi lehtësimin e masave të marra në kuadër të mbrojtjes nga koronavirusi, kryeministri iu përgjigj edhe pyetjeve të tyre.
Ndër të tjera një i ri e ka pyetur se kur do dalin të rinjtë xhiro, teksa Rama iu përgjigj se e kupton shumë mirë hallin e tij, me të vërtetë, teksa shtoi se javën e ardhshme të rinjtë do të lejohen të dalin xhiro në ato qytete ku do ketë më shumë hapje duke zbatuar një sërë rregullash për distancimin social.
“Kur do dalin xhiro të rinjtë? Më besoni se iu kuptojë shumë mire dhe nuk po tallem. Do dilni xhiro, por jo si me parë. Në ato zona që do hapen më shumë javën e ardhshme do mund të ketë edhe xhiro, por vetëm me një tjetër në krah, jo në grumbullim”, tha Rama.
Rama lajmëroi se do të bëhet relaksim lëvizjesh në qarkun Gjirokastër, në qarkun Dibër, por edhe në Librazhd, në Pogradec, Divjakë e Himarë, vennde që sipas tij kanë risk të ulët.
LEXO: Në fundjavë të gjithë në shtëpi! Lehtësimet fillojnë javës tjetër, ja qytetet “fatlume”
Ndërsa lidhur me rifillimin e aktiviteteve ekonomike, kreu i qeverisë tha se bizneset, si lokalet, parukeritë dhe dentistët, nuk do të hapen për shkak se paraqesin rrezik të lartë për përhapje të infeksionit.
“Berberët ku do hapen, ti ku qethesh? Nuk e tregoj ku qethem se do vazhdoni të bëni nga ato historitë jo bunkeri, jo Surreli. Dentistët, parukeritë, kafenetë nuk do të hapen. As lokalet e natës nuk do hapen, ata janë përshkruar edhe nga autoritete e huaja si vende me rrisk të lartë”, u shpreh Rama.
Ai u përgjigj edhe nëse do ketë rrogë për personat që kanë prej 5 vitesh pa punë.
“Ju që keni me vite pa punë nuk do të merrni pagë nga këto. Nuk është bërë deti kos që t’i kthehemi historisë së papunësisë në 30 vjet. Po merremi me ata që kanë ikur nga për shkak të pandemisë”, tha Rama.
LEXO EDHE: Rama “iu hap zemrën” qytetarëve: “Më ka marrë malli për nënën time, por s’e takoj dot”
https://www.facebook.com/edirama.al/videos/672188443558090/
