Ajola Xoxa ka paraqitur këtë të mërkurë kërkesën e saj në GJKKO për ankimimin e sekuestrimit të llogarive bankare.
Bashkëshortja e kryebashkiakut Erion Veliaj ka kundërshtuar, dy ditë më parë, vendimin e SPAK-ut për sekuestrimin e llogarive bankare si pjesë e hetimeve ndaj saj dhe bashkëshortit të saj.
Ajola Xoxa akuzohet nga SPAK për korrupsion (në 9 raste), pastrim parash dhe fshehje pasurie.
GJKKO, gjatë seancës së 12 shkurtit, ndryshoi masën e sigurisë për të, duke e liruar nga arresti shtëpiak dhe duke i vendosur detyrim paraqitjeje dhe ndalim për largim jashtë vendit.
Një vendim pritet të merret sot edhe për ankimimin e kryebashkiakut të Tiranës, Erion Veliaj, lidhur me masën e sigurisë “Arrest me burg”.
