GJKKO ka refuzuar ankimimin e bërë nga ish-ministri Arben Ahmetajt për kontrollin e banesës së bashkëjetueses së tij.
Ahmetaj kërkoi konstatimin e vendimit të shkallës së parë si anti-kushtetues, pasi sipas tij, për lejimin e kontrollit të banesës së bashkëjetueses së tij duhej marrë miratim nga Kuvendi.
Kontrollin e ushtruar më 9 mars nga Agjentët e Byrosë Kombëtare të Hetimit, avokatët mbrojtës të Ahmetajt e kundërshtuan me pretendimin se SPAK ka shkelur ligjin dhe kushtetutën, duke mos marrë një autorizim nga Kuvendi për kontrollin e banesës ku deputeti bashkëjeton me shtetasen Erjola Hoxha, por ky pretendim nuk u mor parasysh nga gjykata.
Kujtojmë se rreth një javë më parë dy vila të ndodhura në pronësi të ish bashkëshortes dhe bashkëjetueses së Ahmetajt, ku u ushtrua edhe kontrolli u vunë nën sekuestro nga Prokuroria e Posaçme.
Njëra prej vilave ndodhet në Hamallaj dhe tjetra në Palasë. Njëra i përket ish bashkëshortes, ndërsa tjetra është në pronësi të deputetit socialist.
SPAK po heton rolin e ish-zv.kryeministrit për inceneratorin e Fierit. Më 9 mars, Byroja Kombëtare e Hetimit ka kryer kontrolle në shtëpinë e ish-gruas dhe partneres aktuale të Ahmetajt.
Vendimi i sekuestrimit të dy pronave vjen si rezultat i hetimit të regjistruar nga SPAK për akuzat e korrupsionit, shpërdorimit të detyres, pastrimit të parave dhe mosdeklarimit të pasurisë, për deputetin Ahmetaj.
SPAK po heton rolin e ish-zv.kryeministrit për inceneratorin e Fierit.
