Një 39-vjeçar ka rënë në prangat e policisë në Përmet në vijim të kontrolleve për parandalimin e rasteve të tentativës për kultivimin e bimëve narkotike , pasi ka tentuar të kultivojë bimë narkotike në afërsi të stanit të tij. Në pranga ka rënë shtetasi B.B., banues në fshatin Strëmbec pasi në përfundim të hetimeve të para u konstatua se ai po kultivonte bimë narkotike.
Materialet i kaluan Prokurorisë Pranë Gjykatës së Rrethit Gjyqësor Përmet për veprime të mëtejshme.
Njoftimi i policisë:
Përmet.
Vijojnë kontrollet për parandalimin, evidentimin dhe goditjen e tentativës për kultivim të bimëve narkotike.
Goditet një tjetër rast i tentativës për kultivim të bimëve narkotike, vihet në pranga 39-vjeçari.
Shërbimet e Komisariatit të Policisë Përmet, në bazë të informacioneve të siguruara, në vijim të kontrollit të territorit, me qëllim parandalimin, evidentimin dhe goditjen e rasteve të tentativës për kultivimin e bimëve narkotike, kanë evidentuar dhe goditur një rast të kësaj veprimtarie kriminale.
Në përfundim të veprimeve të para hetimore, specialistët për Hetimin e Krimeve në Komisariatin e Policisë Përmet arrestuan në flagrancë shtetasin B. B., 39 vjeç, banues në fshatin Strëmbec, pasi ka tentuar të kultivojë bimë narkotike në afërsi të stanit të tij.
Materialet i kaluan Prokurorisë Pranë Gjykatës së Rrethit Gjyqësor Përmet për veprime të mëtejshme.
