Policia e Vlorës në një kontroll rutinë të organizuar në këtë qytet ka vënë në pranga tre persona për vepra të ndryshme penale. Mësohet se në prangat e policisë ka përfunduar një 35-vjeçar, pasi kishte kultivuar kanabis përreth banesës së tij.
Shtetasi me inicialet M.M., i është gjetur ne banesën e tij në fshatin Bashaj 45 fidanë kanabis të kultivuara në gota plastike. Në prangat e policisë ka rënë edhe 36 -vjeçari me inicialet E.M., i cili akuzohet për vjedhje.
Në pranga ka përfunduar edhe shtetasi B.B., i cili akuzohet për veprën penale, “Përvetësimi i parave ose mallrave që rrjedhin nga vepra penale ose veprimtaria kriminale”.
Njoftimi i Policisë
35-vjeçarit me iniciale M. M., policia i gjeti në banesën e tij në fshatin Bashaj 45 fidanë kanabis të kultivuar në gota plastike.Po ashtu, specialistët për Hetimin e Krimeve në Komisariatin e Policisë Vlorë arrestuan në flagrancë 36-vjeçarin me iniciale E. M., banues në lagjen “Kushtrim”, Vlorë, pasi në lagjen “Pavarësia”, ka vjedhur dy bateri gjeneratorësh të një kompanie private. U arrestua edhe një 31-vjeçar me iniciale B. B., banues në lagjen “Lef Sallata”, Vlorë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, pasi ka marrë dy bateritë e vjedhura nga shtetasi M. M. dhe më pas i ka shitur. Materialet i kaluan Prokurorisë së Rrethit Gjyqësor Vlorë, për veprime të mëtejshme
